ఇంగ్లాండ్ రాజకీయ ఆర్థిక వ్యవస్థ ప్రాథమికంగా పారిశ్రామిక బూర్జువా ప్రయోజనాలకు ఉపయోగపడింది. అందువల్ల ఇది భూస్వామ్య వర్గాలకు వ్యతిరేకంగా విప్లవాత్మక పాత్ర పోషించింది. అయినప్పటికీ ఆర్థికవేత్తలు తమ విశ్లేషణను బూర్జువా వర్గ ప్రయోజనాలను దెబ్బతీసే స్థాయికి మించి ముందుకు తీసుకెళ్లలేదు. ఉదాహరణకు, రికార్డో, విలువ తరహా కార్మిక సిద్ధాంతాన్ని అభివృద్ధి చేశాడు. పెట్టుబడిదారీ తరగతి శ్రమను దోపిడీ చేయడాన్ని అతను బహిర్గతం చేయలేదు. దీనిని మార్క్స్ చేశాడు. అతను పెట్టుబడిదారీ తరగతి పరిమితికి మించి ఇంగ్లాండ్ ఆర్థికవేత్తల కన్నా ముందుకు తీసుకెళ్ళాడు. ఈ విధంగానే హక్కులకు కావలసిన సైద్ధాంతిక పునాది చారిత్రకంగా ఏర్పడింది.
హక్కుల చైతన్యం వృద్ధి చెందటానికి వివిధ సోషలిస్ట్ సిద్ధాంతాలు ఉపయోగ పడ్డాయి. ఇవి ప్రధానంగా ఫ్రాన్స్ నుండి ఉద్భవించాయి. ఈ సిద్ధాంతాలు కొత్తగా అభివృద్ధి చెందుతున్న శ్రామిక వర్గ ఆశలు, లక్ష్యాలను సూచించాయి. ఆ సమయంలో ఫ్రాన్స్ విప్లవాత్మక సమూహాలకు, విప్లవాత్మక సిద్ధాంతానికి ప్రధాన కేంద్రంగా ఉంది. ఇది యూరప్ మొత్తాన్ని ప్రేరేపించింది. అందువల్ల సోషలిస్టు సిద్ధాంతాలు ప్రధానంగా ఫ్రాన్స్ నుండి రావడానికి అక్కడి పరిస్థితులే కారణంగా వున్నాయి.
అప్పటి చైతన్యంలో చాలావరకు లోపాలు ఉన్నాయి. ఎందుకంటే అవి సమాజపు సరైన శాస్త్రీయ విశ్లేషణపై ఆధారపడలేదు. అయినప్పటికీ, వారు బూర్జువా విప్లవాత్మక సిద్ధాంతం ముందుకు తెచ్చిన వ్యక్తివాదం, స్వలాభం, పోటీతో గందరగోళ పడ్డారు. పెట్టుబడిదారీ సమాజం నుండి శ్రామికుల ముందుకు వెళ్లే మార్గాన్ని కూడా వారు ఎత్తి చూపారు.
ప్రపంచంలోని అత్యంత అభివృద్ధి చెందిన దేశాలలో మూడు గొప్ప ఆలోచనల నుండి హక్కుల అభివృద్ధికి కావలసిన సిద్దాతం వృద్ధి చెందింది. జర్మన్ తత్వశాస్త్రం, ఇంగ్లీష్ పొలిటికల్ ఎకానమీ, ఫ్రెంచ్ సోషలిస్ట్ సిద్ధాంతాలు, కొత్త భావజాలానికి పునాదిగా నిలిచాయి.
హక్కుల చైతన్యానికి కావలసిన సూత్రాలు
" తత్వవేత్తలు ప్రపంచాన్ని ఎల్లప్పుడూ వివిధ రకాలుగా అర్థం చేసుకున్నారు. అయితే, దానిని మార్చడమే అసలు విషయం.” మార్క్స్ ఈ విషయం చెప్పిన తర్వాత హక్కులు ప్రభుత్వాలు ఇచ్చేవి కావని అవి సాధించాలని అర్ధ మయింది. మనిషి ఆచరణాత్మక ప్రపంచంతో ముడిపడి ఉన్నాడు తప్ప వట్టి ఆలోచించడంలో కాదు. అతని ప్రాథమిక శోధన ప్రపంచం ఎలా మారుతుందో అర్థం చేసుకోవడానికి ప్రయత్నించడం. తద్వారా వాస్తవ ఆచరణలో పాల్గొనడం. అలాగే నేటి ప్రపంచాన్ని, సమాజాన్ని మార్చడం. కాబట్టి సామాజిక ఆచరణ వర్తించే తత్వశాస్త్రంపై మనిషి ఆసక్తి కలిగి ఉండాలి.
ఆదర్శవాదం, భౌతికవాదం మధ్య విభజన అవసరం. ఈ విభజన ప్రాథమిక ప్రశ్నకు సంబంధించినది. ఆత్మ ప్రాధమికం అనే వైఖరిని తీసుకునే వారు ఆదర్శవాద శిబిరానికి చెందినవారు. అయితే ప్రకృతి ప్రాథమికమైనది అనే వైఖరిని తీసుకునే వారు భౌతికవాద శిబిరానికి చెందినవారు. ఆదర్శవాదం ఎల్లప్పుడూ ఒక విధంగా ఎల్లప్పుడూ మతంతో ముడిపడి ఉంటుంది. మత విశ్వాసాలను పూర్తిగా వ్యతిరేకించే వారే హక్కుల జ్ఞాన్నాన్ని మరింత పెంచ గలరు.
మొదట ఫ్యూర్‌బా, ఇతర భౌతికవాద తత్వవేత్తల రచనల ద్వారా భౌతిక వాదులు ప్రభావితమయ్యారు. అయితే ఈ తత్వవేత్తలు యాంత్రిక భౌతికవాదులు. ప్రకృతి, సమాజాన్ని ఎలాంటి అభివృద్ధి లేదా నిజమైన మార్పు లేకుండా గుండ్రంగా తిరిగే మెషిన్ లాగా అర్థం చేసుకున్నారు. మార్క్స్ యాంత్రిక భౌతికవాదాన్ని తిరస్కరించాడు. ఎందుకంటే అది చారిత్రక మార్పు, అభివృద్ధి గురించి ఎలాంటి అవగాహన ఇవ్వదు.
డయలెక్టిక్స్ ప్రపంచాన్ని మార్చడానికి ఉపయోగ పడతాయని తెలుసుకున్నారు.
హెగెల్ తత్వశాస్త్రం, భౌతిక వాదం ఐరోపాలో అత్యంత అధునాతనమైనవి. కానీ హెగెల్ తన తాత్విక చట్టాలను ఆలోచనా రంగానికి మాత్రమే వర్తింపజేయడం ద్వారా ఆదర్శవాద పద్ధతిలో అభివృద్ధి చేశాడు. అతను ఆదర్శవాద శిబిరానికి చెందినవాడు. ప్రకృతి, భౌతిక సామాజిక జీవి అయిన మనిషి ప్రాథమికమని చెప్పాడు. ఆత్మ, ఆలోచనలు ద్వితీయమైనవని గుర్తించడానికి నిరాకరించాడు. అందువల్ల అతను తన ఆలోచనా వ్యవస్థ మానవ సమాజాన్ని ఒక నిర్దిష్ట దశకు అభివృద్ధి చేసిన ఉత్పత్తి అని అంగీకరించలేదు. అతను తన ఆలోచనా నియమాలు ప్రకృతి, సమాజపు చట్టాల ప్రతిబింబాలు అని అర్థం చేసుకోవడానికి నిరాకరించాడు.
డైలెటిక్స్ కి హేతుబద్ధమైన, భౌతికవాద ప్రాతిపదిక ఇవ్వడం ద్వారా మార్క్స్ దానిని విప్లవ తత్వంగా మార్చాడు. మార్క్స్, ఏంగెల్స్ సమాజం, చరిత్రను అధ్యయనానికి చారిత్రక భౌతిక వాదాన్ని అన్వయించారు. చరిత్ర భౌతికవాద భావనను కనుగొనాలి. చరిత్ర భౌతికవాద భావన సమాజం, సామాజిక మార్పును అర్థం చేసుకునే కొత్త విప్లవాత్మక మార్గం. ఇది సామాజిక మార్పులు, రాజకీయ విప్లవాల ప్రాతిపదికన సమాజంలోని ప్రక్రియల ఉత్పత్తిగా వివరించ బడాలి. సమాజాన్ని అర్థం చేసుకోవడంలో, తదనుగుణంగా మార్పును తీసుకురావడానికి ఆలోచనలను రూపొందించడంలో ఈ అవగాహన ఉపయోగ పడుతుంది. సామాజిక మార్పుకు మార్గం ఉందని అది పోరాటాల ద్వారా సాధ్యమవుతుందని చెప్పబడింది.
చరిత్ర భౌతికవాద భావన ప్రారంభ స్థానం భౌతిక ఉత్పాదక శక్తుల అభివృద్ధి స్థాయి మీద ఉంటుంది. అంటే అభివృద్ధి సాధనాలు, యంత్రాలు, నైపుణ్యాలు, మొదలైనవి. ఉత్పాదక శక్తుల అభివృద్ధి దశ ప్రకారం, ఉత్పత్తి నిర్దిష్ట సంబంధాలను నిర్వచించాలంటే ఉత్పత్తి సాధనాలపై యాజమాన్యం, నియంత్రణ ఆధిపత్య వర్గానికి ఉంటుందని గమనించాలి.
చెక్క నాగలి వంటి వెనుకబడిన ఉత్పాదక శక్తులు, అలాగే గాలి, జంతువుల నిర్వహణ మిల్లులు మనకు భూస్వామ్య సంబంధాలను తెలుపుతాయి. ట్రాక్టర్లు, హార్వెస్టర్లు మొదలైన ఆధునిక ఉత్పాదక శక్తులు విస్తృతంగా ఉన్నప్పుడు, పెట్టుబడిదారీ ఉత్పత్తి సంబంధాలను తెలుపుతాయి. ఈ ఉత్పత్తి సంబంధాలు సమాజపు ఆర్ధిక నిర్మానా
ణాన్ని నిర్ణయిస్తాయి.
చారిత్రక దశలను, చారిత్రక భౌతికవాదాన్ని అర్థం చేసుకోకుండా మనం హక్కుల పట్ల సరైన భావనను కల్పించలేం. సమాజపు ఆర్థిక స్థావరం పైన సామాజిక స్పృహ నిర్దిష్ట రూపాలతో చట్టపరమైన, రాజకీయ సూపర్‌స్ట్రక్చర్ ఏర్పడుతుంది . ఇంకా, సామాజిక, రాజకీయ మేధో జీవితాన్ని సాధారణంగా ఉత్పత్తి చేసే విధానం ఉత్పాదక శక్తులు, ఉత్పత్తి సంబంధాలు నిర్ణయిస్తాయి అని మార్క్స్ చెప్పాడు. అందుకే, భూస్వామ్య ఉత్పత్తి విధానం మహిళలు, అట్టడుగు వర్గాలపై తీవ్రమైన అణచివేతకు దారితీస్తుంది. వారి హక్కులు కాలరాయ బడతాయి. ఇది చాలా అప్రజాస్వామిక రాజకీయ వ్యవస్థ. పెట్టుబడిదారీ ఉత్పత్తి విధానం, మరోవైపు, సామాజిక అణచివేతను కొంత మేరకు తగ్గిస్తుంది. కొన్ని బూర్జువా ప్రజాస్వామ్య హక్కులను తెస్తుంది.
ఉత్పాదక శక్తుల అభివృద్ధిలో ఒక నిర్దిష్ట దశలో అవి ప్రస్తుతం ఉన్న ఉత్పత్తి సంబంధాలతో విభేదిస్తాయి. ఉత్పత్తి పాత సంబంధాలు ఉత్పాదక శక్తుల అభివృద్ధిని నిరోధించడాన్ని ప్రారంభిస్తాయి. ఈ ఉత్పత్తి సంబంధాలు మారకపోతే ఉత్పాదక శక్తులు అభివృద్ధి చెందవు. ఉత్పత్తి సంబంధాలు ఉత్పాదక శక్తుల అభివృద్ధిపై గొలుసులుగా పనిచేయడం ప్రారంభించిన ఈ కాలం హక్కుల విప్లవాన్ని తెస్తుంది.
ఉత్పత్తి సంబంధాలను అంటే సమాజంలోని వివిధ వర్గాల మధ్య సంబంధాన్ని మార్చడానికి హక్కుల విప్లవం అవసరం. ఇది జరిగిన తర్వాత ఉత్పత్తి సంబంధాలు, ఆస్తి సంబంధాలు విచ్ఛిన్నం అవుతాయి. అంటే ఆర్థిక పునాది మారిపోతుంది. అప్పుడు మొత్తం సూపర్‌స్ట్రక్చర్‌లో మార్పు చాలా త్వరగా వస్తుంది. అప్పుడు పౌరుడు మరిన్ని మెరుగైన హక్కులను పొందుతాడు.
చరిత్రలో ఈ భౌతికవాద హక్కుల భావన 1844-45లో మార్క్స్ సాధించిన మొదటి గొప్ప ఆవిష్కరణ. ఇది హక్కుల సిద్ధాంతానికి పునాదిగా పనిచేస్తుంది.
Comments
Post a Comment