హక్కులపై స్థాపించబడిన రాజ్యాంగానికి ప్రజలు ఆ హక్కులను సంపూర్ణంగా పొందినప్పుడే సాధికారత వస్తుంది. ధనికుడైన వ్యక్తి హక్కులను పొందుతున్నప్పుడు, మిగిలినవారు పొందలేనప్పుడు అది ప్రజాస్వామిక వ్యవస్థ అవదు. ఆ వ్యవస్థ ఎక్కువ కాలం నిలబడదు. హక్కుల ఆనందాన్ని సమాన కొలతతో నిర్దారించాలి. అయితే, ఈ రోజు మనం ఊహించని పరిస్థితిని ఎదుర్కొంటున్నాము. మీ ఉనికి ద్వారా మాత్రమే, మీరు మరొక మానవుడిని బెదిరించవచ్చు.
ఆర్టికల్ 21 ప్రకారం రాజ్యాంగం జీవన హక్కు, స్వేచ్చకు హామీ ఇస్తుంది. అయితే ఇంతకు మునుపు ఈ ప్రాథమిక హక్కులు ఒకదానికొకటి విరుద్ధంగా పరిగణించబడలేదు. కానీ అవి ఈ రోజు జీవితాన్ని కాపాడటానికి, దాని నిజమైన, వాస్తవమైన, అత్యంత ప్రాధమిక కోణంలో, ప్రజలు స్వేచ్ఛను వదులుకోవడానికి సిద్ధం చేసింది. ప్రజలు ఎంత స్వేచ్ఛను కోల్పోతారో, ఆ మేరకు జీవించే హక్కును కాపాడుకునే అవకాశం ఉంటుంది.
ప్రపంచం చాలావరకు లాక్ డౌన్ యొక్క వివిధ దశలలోకి ప్రవేశించింది. కరోనా వైరస్ పై పోరాడటానికి ప్రభుత్వాలు చేపట్టిన లాక్డౌన్లు, ఇతర చట్టపరమైన చర్యలకు చట్టపరమైన ఆధారం లేదు. భారతదేశంతో సహా ప్రతి దేశంలో, ప్రభుత్వ సలహాలకు, చట్టబద్దమైన చర్యల మధ్య గందరగోళం ఉంది. యునైటెడ్ కింగ్‌డమ్ (యుకె), సింగపూర్ వంటి కొన్ని దేశాలు స్వేచ్ఛగా వెళ్ళే హక్కును ప్రజలకు అప్పగించాయి. ఆ విధంగా చట్ట అమలను అధికారుల ద్వారా అమలు చేయడానికి చట్టాన్ని త్వరగా ఆమోదించాయి. ఏదేమైనా, UK లో చట్టం ఉన్నప్పటికీ, చట్టబద్ధంగా అమలు చేయగల ఆంక్షలు, ప్రభుత్వ ఆదేశాల మధ్య అనేక గందరగోళాలు ఇప్పటికి వున్నాయి.
భారతదేశంలో, వైరస్ వ్యాప్తిని అరికట్టడానికి రెండు చట్టాలు ఉపయోగించబడ్డాయి. ఎపిడెమిక్ డిసీజెస్ యాక్ట్, 1897, బ్రిటిష్ వలస రాజ్యం నుండి వచ్చినది. తాత్కాలిక చర్యలను అమలు చేయడానికి ప్రభుత్వాలకు అవకాశం ఇస్తాయి. దీనిని ప్రజలు అనుసరించాల్సిన అవసరం ఉంది. వ్యాధుల వ్యాప్తి, అంటువ్యాధుల చట్టానికి ఎవరైనా అవిధేయత చూపిస్తే, భారత శిక్షాస్మృతిలోని సెక్షన్ 188 ప్రకారం ఆరు నెలల వరకు జైలు శిక్ష లేదా రు. 1,000 వరకు జరిమానా లేదా రెండూ విధించవచ్చు.
రెండవది విపత్తు నిర్వహణ చట్టం, 2005. ఈ చట్టం యొక్క విస్తృత నిర్వచనం ప్రకారం “విపత్తు”, ఏదేమైనా, దాని రూపకల్పనలో, ప్రకృతి విపత్తులను పరిష్కరించడానికి ఈ చట్టం నిర్మించబడింది. ఈ చట్టం క్రింద జారీ చేయబడిన ఆదేశాలకు అనుగుణంగా, విస్తృత అని పేర్కొనబడని నిబంధనలపై ఆధారపడతారు. ఉదాహరణకు, ఈ చట్టం ప్రకారం హోంశాఖ ఏప్రిల్ 15 న జారీ చేసిన మార్గదర్శకాలలో కార్యాలయాల్లో మాస్కులు ధరించడం వంటి ఆదేశాలు ఉన్నాయి.
కరోనావైరస్ వ్యాప్తిని నిరోధించడానికి, పరిష్కరించడానికి ప్రస్తుతం ఏ చట్టం రూపొందించబడలేదు. కాబట్టి పాత చట్టాన్ని తిరిగి ఉపయోగించడం చేయాలి. ఈ ప్రయోజనం కోసం రూపొందించబడని చట్టాన్ని వేగంగా చర్యలను ప్రారంభించి తీసుకురావాలి. అదే సమయంలో, ఇది ఒక పరిణామ క్రమానికి సరిపోయే అన్ని విధానాలను కలిగి ఉండాలి. ప్రజలు సురక్షితంగా ఉండటానికి ప్రయత్నిస్తున్నారు. వారి ప్రవర్తనకు అనులోమానుపాతంలో శిక్షలను రూపొందించే చట్టాన్ని కలిగి ఉండటం సరికాదు.
చట్ట అమలు, ప్రజారోగ్యం వీటి మధ్య చాలా లోపాలు ఉన్నాయి. ఢిల్లీలోని సంపన్న వర్గానికి చెందిన ఉన్న ముగ్గురు నివాసితులకు కోవిడ్ -19 పరీక్షా నిర్వహించారు. కోవిద్ పరీక్షా ఫలితాలు ఈనిక రావలసి వుంది. ఈ లోపలే పోలీసులు వారికీ వాట్సాఅప్ సందేశాన్ని పంపారు. పోలీసుల ప్రాథమిక విచారణలో కుటుంబంతో వున్నా ఒకతని పై అనుమానం ఉందని సందేశం లో వుంది. కాబట్టి ఆటను అనుమానితుడు అని పోలీసులు పేర్కొన్నారు. అతను ఒక మతపరమైన సమావేశానికి హాజర్యయాడని అనుమానించబడింది. అతను ఇప్పుడు "పరారీలో ఉన్నాడు" అని సందేశం పేర్కొంది. అతనిపై పోలీసులు ఎఫ్ఐఆర్ నమోదు చేశారు. ఒక వారం తరువాత, కోవిడ్ -19 పరీక్షా చేస్తే అతనికి నెగటివ్ వచ్చింది. వ్యాధి లక్షణాలతో బాధపడుతున్న వ్యక్తుల కోసం "అనుమానితుడు" అనే పదాన్ని పోలీసులు ఉపయోగిస్తున్నారు. ఇది అంటువ్యాధి, బ్యాంకు దోపిడీ కాదు. అయినప్పటికీ, కష్టతరమైన ప్రజారోగ్య పరిస్థితిని ఎదుర్కోవటానికి ప్రభుత్వం చట్ట అమలు అధికారులపై ఆధారపడటంతో, ఇటువంటి పరిస్థితులు జరుగుతున్నాయి.
కోవిద్ లక్షణాలు, కోవిద్ గణాంకాలను బహిర్గతం చేయడానికి నిజాయితీ విలేకరులు అవసరం. వారి పదజాలం మార్చాలి. సామాజిక దూరాన్ని భౌతిక దూరమని వాడాలి. కోవిడ్ ను మహమ్మారి అనడం సరికాదు. అది మహిళలను కించ పరిచే విధంగా ను వుంది. గ్రామ దేవతలను దళితులే ఎక్కువ పూజిస్తారు. కాబట్టి ఆ పదం దళితులను అవమానించే విధంగా వుంది.
ప్రపంచంలోని మరే దేశానికన్నా భౌతిక దూరం గురించి భారతదేశం చాలా క్లిష్టమైన సమస్యలను ఎదుర్కుంటోంది. ప్రజలు దీన్ని ఎలా ఎదుర్కోవాలి. ప్రజలు భౌతిక దూరాన్ని, సరిహద్దులను గమనించరు. ఏకాంత జీవులు కాకూడదని వాళ్ళు భావిస్తున్నారు. పూర్తి లాక్ డౌన్ చర్యలు ఎత్తివేసిన తర్వాత ప్రజలను సురక్షితంగా ఉంచడానికి అవసరమైన ప్రవర్తనా నియమావళి ప్రభుత్వాల దగ్గర లేదు. ప్రజలు మార్పుకు అంగీకరిస్తారా. ప్రజల ప్రవర్తనలో మార్పు కోసం చట్టం ద్వారా డిమాండ్ చేయబడి ప్రజల పైనే రుద్దబడుతుంది.
ఒక హక్కును, కాపాడుకునే హక్కు కోసం మారకం చేయవలసిన అవసరం వచ్చింది. దీన్ని సమర్థించే ప్రపంచ ఏకాభిప్రాయంలో భారత ప్రజలు ఇప్పుడు ఉన్నట్లు అనిపిస్తుంది. భారతదేశంలో, పేదలే ఈ భారాన్ని అసమానంగా భరిస్తున్నారు. మారకం మీరు కోల్పోయిన దానికి ప్రతిఫలంగా ఏదైనా స్వీకరించడాన్ని సూచిస్తుంది. జీవించే హక్కు పేదలకు ఎప్పుడు లేదు. లాక్ డౌన్ సమయం లో గౌరవ ప్రదంగా స్వంత ఊర్లకు పోయే హక్కు వారికీ లేకుండా పోయుంది. లాక్ డౌన్ లోను పేదలకు జీవించే హక్కు కల్పించాలని సుప్రీంకోర్టు తీర్పుచెప్పింది. ఆర్థికంగా వెనుకబడిన వారికి గౌరవం మాట అటుంచితే, వారు ఆకలితో అలమటించాల్సి వస్తోంది.
- అమన్
Comments
Post a Comment